Roshe Run, Nike-en azken arrakasta handia

Ziur gaude momentu honetan jantzita dituzula edo etxean pare bat gordeta duzula, edo gaur bertan kalean bati baino gehiagori jantzita ikusi dizkiozula. “Retro running”-aren boom-a igaro ondoren, Nike-k bere sorkuntza-makinaria martxan jarri zuen 2010. urtean, arrakasta izango zuen silueta eta modelo berri baten bila. Testuinguru horretan jaiotzen dira Roshe Run-aren lehen ideia eta bozetoak, zeinak, esan beharra dago, erraldoi amerikarrak behin eta berriz baztertu zituen bere potentzialaz jabetu zen arte.

Arrakasta ukaezina izan da. Lehen bozetoak jaio zirenetik 5 urte luze pasa diren arren, Roshe Run-a barne duen zapatila kategoria berezi hau hazten ari da etengabe, eta industriako beste marka asko ere hasi dira modelo hauetan inspirazioa aurkitzen. Honekin batera, material eta teknologia berrien erabilera uztartu da, askotan kirol mundurako diseinatutako teknikak erabiliz.

ehtjxjff0yl75mzl6vpa

 

Nike-Roshe-Run-10

Nike Roshe Run-ak Dylan Raasch diseinatzailearen lana dira. Zapatila estilo berri honen kontzeptua Zen filosofian oinarritu zuen: beharrezkoa ez dena baztertu, soilin oinarrizkoenarekin geratzeko. Emaitza denok ezagutzen dugu: zapatila eroso, arin, sinple eta modernoak. Honela ba, Dylan Raasch-ek 16 diseinu proposatu zizkion erraldoi amerikarrari, eta 2012an, kaleratu ziren lehenengo Nike Roshe Run-ak,  geroago “Iguana” deitu zitzaion kolore paletan. Kolore hauek Asia ekialdeko lorategi mitikoetan jartzen diren aintziretan hazten den goroldioa imitatu nahi zuten.

Nike-Roshe-Run-13

Sortu zen egunetik, Roshe Run-ak “upper” edo zapatilaren gorputza material arinetan landu dute, errefortzu gutxi eta josketarik gabe, janzten duenaren oinari moldatu eta ongi eusteko. Lerro minimalista hau jarraitzeko, logoak eta dauden errefortzu gutxiak “Heat-sealed vacuum-packed” izeneko prozesuaz eransten dira, beroa eta presioa erabiliz. Modu horretan, estetik garbi bat mantentzeaz gain, materialen erabileran aurrezten da.

Zapatilaren barruko aldean, EVAz egindako barne-zola bat erabiltzen da, zolarekin batera modelo hauen erosotasunaren gakoa dena. Merkaturatu zenean, zola honek zapatilen industrian iraultza bat sortu zuen, bere egitura eroso eta arinaren ondorioz.

nike-roshe-run-12

 

 

 

Share this post